Editáu pol alumnáu de llingua del IES Peñamayor, Nava
PALABRAS ENANECER
Alredor d'un poema de Berta Piñán
Alumnáu 4º ESO
Pa otros, pa min
​
Pa otros les tormentes de sol, les nueches en silenciu, les velees al salir de casa. L’ alcohol y la xente. Pa ellos les ciudaes asfixantes, el ruxir de los motores. Los qu’escaecen la educación, la cultura. La escasez de dineru de les families humildes y la hostilidá tornando como les pallabres, incesante. Los animales apavoriaos, abandonaos, asesinaos. Pa ellos el cada día pasando nel que más gris se torna'l planeta, la vida.
A min dexáime’l golor a primavera, la borrina na cara, el verde gustosu de los praos en branu. L’asturcón corriendo pelos senderos del monte mientres una flor escondía ente los felechos asoma con ganes de floriar. Dexáime’l xamás escaecer los raigaños, el nunca nun refugar la llingua. El llobu asomando pela peña imponiendo col aullíu. L’aire puru, les sierres, los pueblos lo más perguapo d’esti mundu. L’amor pola mio tierrina, que caltién la fuerza al traviés de los años y permanez colos sos colores vivos, alitando les momies de les ciudaes.
Lucía S. D.
Pa otros
Pa otros les playes col mar azotando’l sable enllenu basura,
de probes animales morriendo por culpa l'home.
Los enormes edificios que nun dexen que’l sol
entre nes cais, la contaminación permanente y el ruíu
de los coches y les fábriques.
Pa ellos el dineru que-yos falta a unos porque lu garren otros
de prestao pa nun devolver enxamás. La fame nel mundiu
porque unos pocos prefieren gastalo en reconstruyir
un monumentu y non pa da-yos de comer a la xente
que ta morriendo.
A min dexáime la solombra los castaños, la voz del ríu
y de los xilgueros, el guapu cantar de los cencerros de los animalinos. El gallu, col so cantar como despertador del pueblu. Subir al monte, pisar les tierres altes mas guapes del mundiu,
ver les cabres que pastien llibres
colos sos guardianes de cuatro pates.
Alejandro P. S.
Pa otros
Pa otros el sonar del despertador pela mañana, el golor
de la verdura, los barullos de xente comprando.
Pa ellos el paisanu sentáu nun portal con cartones,
na cai, ensin casa.
A min dexáime lo contrario,
el dormir pela mañana ensin estorbos,
un bon cachu carne.
Dir de compres tranquilu,
tar colos collacios falando,
facer deporte con ellos,
rime y pasalo bien.
Adrián D. T.
Pa otros
Pa otros la velocidá del tiempu, el tar alloñáu de los seres queríos, la discriminación y el bullying.
A min dexáime'l facer lo que yo quiera.
Dexáime’l monte, el golor a naturaleza,
el dir a la playa colos amigos, el kebab de ternera.
Y el pasar el branu en sitios nuevos.
Antonio M. G.
Pa otros
Pa otros l’aventura, los viaxes, l’anchor
del océanu, Roma ardiendo y les pirámides,
les selves innomables, la lluz de los desiertos,
los templos y el rostru de la diosa. Pa ellos
rascacielos y ciudaes, palacios del suañu
contra’l tiempu, la sorrisa de Buda, les torres
de Babel, los acueductos, la industria incesante
del home y los sos afanes.
A min dexáime la solombra difusa del carbayu,
la lluz dalgunos díes de seronda, la música callada
de la nieve, el so cayer incesante na memoria,
dexáime les zreces na boca cuando nena, la voz
de los amigos, la voz del ríu y esta casa, dalgunos llibros,
pocos, la mio mano dibuxando, a modo, la curvatura
perfecta del to llombu.
Berta Piñán, Un mes,
Ediciones Trabe, 2003
Pa otros
Pa otros madrugar peles mañanes,
el sabor amargu,
falar en públicu.
Pa ellos les monedes pequeñes
y el fumar.
A min dexáime'l viaxar, salir a xugar colos amigos,
dir de fiesta y lliala.
Dexáime los sabores dulces, les roses de primavera,
les nevaes d’ iviernu
y el salir pel monte a investigar.
Alex M. R.
Pa otros
Pa otros el nun entender el tiempu que dexamos
escapar ensin saber garralu. La envidia
mala qu’esiste y que ye como'l venenu.
Pa ellos la xente que cree que’l dineru lo ye too.
A min dexáime’l tar nuna tarde soleyera colos mios collacios,
ver como sale’l sol pela ventana y el paisaxe
naciendo otra vegada.
Sentime en conexón conmigo mesmu y tamién
col mundu que m’arrodia.
El golor allegre de la primavera.
El tener l´arropu de mio pa y el cariñu de mio ma.
El sentime una bona persona ayudando a los demás.
David P. T.
ANTROXU 2019: XUEVES FAYUELERU Y RISONDERU
