29 D’ABRIL: DÍA DE LES LLETRES ASTURIANES NEL INSTITUTU
El llunes 29 d’abril celebramos nel Institutu el Día de les Lletres Asturianes con delles actividaes empobinaes a espublizar la lliteratura y la música asturiana. Pa ello tuvimos la collaboración del poeta y escritor PABLO X. SUÁREZ que dramatizó dellos poemes mientres el recréu pa un abondosu númberu d’alumnos, alumnes y profesores El recital entamó y cerró coles gaites de NAIRA GARCÍA MENÉNDEZ y LIDIA TEJA COCAÑA. Ye una suerte cuntar nel centru con este dos maravioses gaiteres. Amás, el poeta Pablo X. Suárez impartió un taller perguapu de poesía al alumnáu de 4º ESO.
Per otru llau, los alumnos de 2º ESO representaron la obra cola que ganaron el 3º Premiu de Teatru Escolar N’Asturianu y Gallego-asturiano, “La Cueva”, en dos turnos: ún pal alumnáu de 1º ESO y otru pal alumnáu de 2º ESO. Asina mesmu, proyectáronse a estos dos cursos los dos videos ganadores del VIII Certame de Creación Audiovisual: Da-y vida a la llingua y Asturies, una tierra que se fala. Tantu la obra como los videos tuvieron munchu éxitu.
