NUN FUI AL COLEXU P’AYUDAR A MIOS PÁS

por Alex Montes Rodríguez

Güei voi facer una entrevista a Georgina Ovin La Fuente, mio bisagüela. Nació en Nava en 1920 y tuvo d´ama de casa, vivió la Segunda Guerra Mundial y la Guerra Civil d’equí d’España. Fueron momentos mui duros los que se pasaben nesa dómina.

¿A qué te dedicabas nesa dómina?

Como mios pás nun teníen perres pa pagame la escuela, ayudaba a la mio familia nos trabayos de casa o diba cola mio hermana a cuidar el ganao.

¿Cómo vivíes de pequeña?

A veces tenia que trabayar p’ayudar en casa, pero tamién pasaba munchu tiempu colos amigos del pueblu. Xugábamos a xuegos tradicionales como la panoya.

¿Vivisti en dalgún sitiu más qu’en Quintana?

Yo primero viví n´Infiestu que yera onde trabayaba mio pá hasta que lu echaron y tocóme dir pa Quintana y ehí foi onde viví la mio vida colos mios amigos y enemigos d’otros pueblos cercanos.

¿Tuvisti dalgún problema na Guerra Civil?

Na, por suerte nun tuvi nengún problema, pero’l mio maríu tuvo fastidiáu por una engarradiella que tuvo con unos.

¿Cómo ves esto de les teunoloxíes?

Na mio familia nun tuvimos un móvil hasta que mios pás mercaron ún y yera ún pa cuatro. Agora tolos neños tienen móvil, televisión, tan tol día a les consoles y nun salen a divertise perhí. Antes yera too neños pelos praos corriendo, agora tan toos pegaos a les máquines. A mi nun me gusten.

Munches gracies.