“Emigré a los 19 años, na más acabar los estudios en Venezuela.”

por Antonio Martínez García

Llámome Antonio Martinez García y decidí entrevistar pa Remanecer a mio ma, pa que nos falara un poco sobre la so migración de Venezuela a España.

¿Cuál foi’l motivu de la migración?

El motivu de la migración foi pa buscar dalgo de trabayu con mio pá n’Asturies, yá qu’él vivía dafechu equí.

¿A qué edá emigrasti?

Emigré a los 19 años, na más acabar los estudios en Venezuela.

¿Ficiéronte discriminación al llegar?

Ficiéronme dalgo discriminación na más llegar equí, pero fui faciendo amigues pocu a pocu y too foi desapaeciendo.

¿Sentístite sola?

Sentíme sola porque taba acostumada a tar rodiada d’amigues y amigos y al llegar a Asturies too eso nun lo tenía, solo tenía a la mio familia que foi una gran ayuda pa socializame.

¿Por qué marchasti de Venezuela?

Marché porque fui a pasar unos meses col mio pá y apetecióme quedame equí un pocu más hasta que fici la mio vida equí.

¿Qué facíes nel día día?

Na más llegar taba siempre col mio pá, porque nun conocía a naide, pero depués d’un tiempu entamé a xugar a vóley. A midía que pasaba’l tiempu diba faciendo amigues. Entós salía un pocu con elles per ehí a dar una vuelta y tomar dalgo.

¿Volvisti a Venezuela depués d’emigrar?

Volví dos veces pa ver a la mio familia, una yo sola a los 25 años y otra cola mio hermana y el mio fíu a los 42.

Munches gracies