Pista ente Bimenes y Llaviana

por Lara Martínez Orvíz

El pasáu domingu, dempués de comer, fui a caballu pela carretera que va dende Fayacaba a la Bahuga. Ye una pista pela que me gusta dir, p’atayar, cuando voi a visitar a mio güela. Pero esi día cayimos los dos, el caballu y yo. Nun nos matamos de milagru. La pista tan nun estáu llamentable, llena baches —más que baches furacos— y cuando lluevi conviértese nuna pista de patinaxe. Lleva asina dende hai más de cinco años.

Yo sé qu’esti nun ye un camín importante, pero sí pasen abondos coches —que peguen embaxo por mor de los furacos —, pa presta-y un poco d’atención. Pero sobremanera lo que duel ye ver cómo dexen morrer les obres y carreteres que ya tan feches y cómo empleguen les perres pa carreteres y obres nueves. Nun se pue dexar morrer lo que ya ta fecho, anque seya dalgo tan insignificante pa dalgunos como la pista pola que yo voi de paséu a ver a mio güela.

Tienen qu´iguala yá, anque solo seya pa evitar disgustos y reclamos.