L'ENDURU YE UN DEPORTE
Por Adrían Díaz Toyos
L´enduro ye una modalidá del motociclismu que se prautica mayormente en campu abiertu. Ye un deporte con poques ayudes y con abondes dificultaes, yá que si nun dispones de munchos recursos, faésete imposible prauticalu, pos ye bien costosu; arriendes d’ello, ponen-y unes torgues que lu compliquen entá más.
Refiérome con ello a la inxusta llei que se vien aplicando dende hai tiempu : la Llei de Montes —Llei 3/2004, de 23 de payares, de Montes y Ordenación Forestal (Art. 48)— na que se prohiben les actividaes motorizaes esceuto en circuitos o viales autorizaos. Ye tan inxusta la situación que llega al puntu de qu’en dalgunes ocasiones nun se pue nin circular en bici pelos caminos. A ella hai qu’amestar otres lleis que tamién torguen la circulación de motos nos montes, como la de la Conseyería de Mediu Rural y Pesca —de 4 de xunu de 2010, pola que s’aprueban medies en materia de prevención de quemes forestales y ente elles queda prohibida, ente 1 de xunetu y 31 de setiembre, la circulación de vehículos a motor por pistes forestales.
Per otru yá, esta llei nun ye l'únicu problema. Hai xente qu’anque sías respetuosu, vayas adulces y tengas cuidáu al pasar per onde hai cases, animales o persones, ódiate pol fechu de dir en moto, hasta’l puntu de llamar a la Guardia Civil cuando nun tas molestando, cuando nun faes nengún mal nin dañu; o inclusive lleguen a poner trampes, como pinchos nel suelu, piedres o cables a l'altura del pescuezu. Esto sí que ye delictivo.
Nun pidimos que se pueda facer enduro por cualesquier sitiu, pidimos que dexen d’escorrenos y de tratanos como delincuentes. Pidimos qu’haya sitios nos que se permita facelo ensin ser persiguíos.
El monte ye de toos.
