CARNÉ CONDUCIR A LOS 16 AÑOS

Por David Pandiella Teresa

Tengo 16 años. Considérome un chaval seriu, comprometíu y abondo responsable. Poro, nun veo xusto que nun pueda conducir. El carné de conducir tendría que poder sacase yá a los 16 años, pos muncha xente como yo tenemos que depender de los nuestros pás pa poder dir a los sitios, pa movenos. Son munches les situaciones nes que, con esta midida, facilitaríase la vida familiar: pa dir al institutu los chavales que nun viven cerca, nel branu pa dir a la playa o a les fiestes, pa dir a entrenar al fútbol o a actividaes extraescolares...

Esta dependencia de los pás pue evitase camudando la llei. Asina los mozos y moces tendríemos más llibertá y fairíamos un gran favor a les families. Per otru llau, si empezamos a conducir antes yá tenemos más práctica pa cuando síamos mayores y, con ello, sabremos meyor lo que ye, asina qu’evitaríense munchos accidentes.

A lo meyor la solución ye poner un tipu de permisu con mayores controles. A min ocúrrenseme delles idees: que nun podamos andar con coches mui potentes; que la tasa d’alcoholemia que se nos permita seya 0,0%, ya que los menores nun podemos beber; o que nun pasemos de 100 km\h. Con esto bien podría facese una llei. En dalgunos países como nos Estaos Xuníos, por exemplu nel Estáu de Kentucky, pue conducise dende los 14 años y nun se sabe qu’haya más accidentes por ello. Sicasí, en tolos países dela UE la edá mínima pa conducir ye tamién a los 18 años. Pero les lleis puen camudase y adaptase a los nuevos tiempos y España podía ser pionera nesto.