Nel IES Lluces recordamos la Shoah

Esta selmana, con motivu del Día Internacional en Memoria de les víctimes de la Shoah (27 de xineru), l'alumnáu de llingua asturiana del IES Lluces realizó una serie d'actividaes empobinaes a recordar y a nun escaecer. Realizaron y prepararon cartelos sobre la persecución de los xitanos sol réxime Nazi y sobre los Xustos de les Naciones; visitaron la esposición "Ser Testigu" de Yad VaShem asitiada nel institutu poles profesores Teresa (Filosofía) y Jimena (Llingua); prepararon unos llenzos en memoria de los neños y neñes asesinaos mientres la Shoah y ayudaron na instalación d'una esposición de llibros sobre'l tema na biblioteca del centru.

Un bon trabayu. Gracies a tol alumnáu que participó, porque apurristis el vuesu granu de sable nel intentu de construyir un mundu meyor, llibre de prexuicios y llibre de esos silencios que faen posible'l sufrimientu, la humildación... ya inclusive la muerte del "otru". Gracies.

má semeyes y vídeos