Un malageñu abre una hípica en Colunga

Colunga/ por Andrea M. Sánchez

Un malageñu entamó a dar clases d’equitación en Colunga’l pasáu sábadu, cola cuenta de que los neños y neñes sepan más sobre la vida del caballu.

Les clases impartíes por esti xoven malagueñu empezaron con un breve comentariu personal de cómo llegara a establecese equí, en Colunga. De siguío entamó coles clases propiamente diches. De primeres, explicó-yos a les persones ellí presentes cómo teníen que subir al caballu y cómo lu tenien que tratar. Cuando toos taben yá nel caballu entamaron a caminar pol picaderu d’arena, entós esclarió cómo teníen que poner los pies nos estribos, cómo garrar les riendes, la postura corporal, etc. Pa finar la clas dio-yos la norabona porque pa ser la primera nun lu ficieron nada mal. Darréu, entamaron los que yá sabíen montar, que yeren tres persones, garraron los sos propios caballos y entamaron a trotar y a dar vueltes pol picaderu mientre qu’el profesor termianba de desmontar a los otros caballos. Pa rematar la clas punxo unos saltos d’aproximao 1 metru 15 centimetros. Los neños y neñes colungueses quedaron percontentos y animen a la xente a participar nes clases, que son pa tolos niveles y edaes.