Los científicos desendolquen un nuevu métodu pa detectar el cáncer
Medicina/ por Darío Iglesias G.
Nel contestu del avance médicu pa detectar el cáncer, los médicos ya investigadores del HUCA, n’Uviéu, desendolcaron la selmana pasada un nuevu métodu pa detectar de manera más rápida’l cáncer, en concretu’l cáncer de páncreas.
“Paez daqué simple de facer, pero llevamos más de 2 años desendolcando estes teunoloxíes, y a la fin acabamos d’alcontrar un sistema que lo simplifica muncho”, asegura ún de los investigadores. Per otru llau, nuna encuesta publicada na Nueva España afirmen que’l 80% de la población asturiana tien mieu de padecer cáncer dalguna vez na vida. “Yo pienso que si’l gobiernu invirtiera más perres nel espoxigue científicu, estos descubrimientos nun tardaríen tantu en llegar” camienta un paciente que padez la enfermedá, que va ser el primeru en tratáse con esta novedosa teunoloxía.
A pesar de que’l Conseyeru de Sanidá afirma qu’invierten más de 1.000.000 d’euros n’investigación, la realidá ye qu'o nun ye abondo, o nun ye tanto lo que s’invierte. “Esto ye tamién una responsabilidá del Estáu central, nun ye la nuesa culpa que nun tengamos más presupuestu”.
De toes formes, el descubrimientu d’esti sistema va facilitar d’equí nunos años que se prevenga’l cáncer nun 70% según afirmaron los científicos nuna rueda de prensa esti miércoles col Conseyeru de Sanidá. “Con esto, vamos ser el primer hospital d’España que prevenga’l cáncer d’una forma tan eficaz como lo faen n’Alemania o Francia, por exemplu”, afirmó ún de los investigadores.
